Меркаванні33

Палітолаг: У Беларусі засталося столькі ж суверэнітэту, колькі ў Літвы, Латвіі і Эстоніі ў 1939—1940

Палітолаг Андрэй Елісееў падзяліўся ў сваім фэйсбуку меркаваннем пра візіт Уладзіміра Пуціна ў Мінск 19 снежня і яго наступствы.

Фота: Gavriil Grigorov, Sputnik, Kremlin Pool Photo via AP

«Пуцін едзе ў Мінск правесці рэвізію «супрацоўніцтва» ў вайсковай сферы і выканання так званых «інтэграцыйных праграм». Гэта — эўфемізм трансфармацыі Беларусі ў БССР-2; яны могуць разглядацца таксама ў якасці комплексу пераданексійных мерапрыемстваў — прывядзенне беларускай прававой сістэмы ва ўсіх самых важных сферах да расійскай, татальная эканамічная прывязка і пазбаўленне суверэнітэту ў такіх адчувальных сферах, як падатковая (ужо адбылося)», — піша Елісееў.

Па словах Елісеева, Лукашэнка на апярэджанне заявіў, што нічога добрага для беларускай дзяржаўнасці ад гэтай сустрэчы чакаць не даводзіцца:

«Асабліва пасля гэтых маштабных перамоваў [будучыя перамовы ў Мінску] усе будуць казаць, што ўсё: ужо ў Беларусі няма ўлады, тут ужо расіяне пешшу ходзяць і кіруюць краінай».

На думку Елісеева, не выключана, што Пуцін будзе ў тым ліку падымаць пытанні, якіх тычылася незабыўная 31-я карта, а менавіта «інтэграцыі» ў палітычнай сферы.

«Магчыма, Лукашэнка для таго і выказаўся аб правале ключавой (з пункту гледжання яго эканамічных інтарэсаў) «інтэграцыйнай карты» (газавай) — бо плануе налягаць на тое, што палітычную сферу не варта фарсіраваць да рэалізацыі ўсіх «эканамічных» мерапрыемстваў. Іншымі словамі (як звычайна): плаціце грошы, а там паглядзім. Аднак яго пазіцыі ў адвечным пытанні «увечары крэслы, раніцай грошы — або наадварот» занадта слабыя і няроўныя», — мяркуе палітолаг.

Ён падкрэслівае, што з часу падпісання «інтэграцыйных праграм» у лістападзе 2021 года беларускі суверэнітэт з'яўляецца вельмі ўмоўным (старт эпохі «БССР-2»), а пасля 24 лютага 2022 года — пагатоў.

«Дзіўна, што і дагэтуль у палітычнай і аналітычнай сферах працягваюць гучаць нерэлевантныя пытанні тыпу «ці здасць Лукашэнка суверэнітэт?», «ці ёсць небяспека суверэнітэту Беларусі?». Такія пытанні запазніліся на некалькі гадоў (на самай справе, на пару дзесяцігоддзяў; апошнія тры гады — ужо фінальны этап).

Да цяперашняга часу суверэнітэт ужо парадкам абгрызены і ад яго застаюцца толькі аб'едкі. Актуальны статус суверэнітэту Беларусі прыкладна адпавядае аб'ёму суверэнітэту Літвы, Латвіі і Эстоніі ў перыяд паміж восенню 1939 і летам 1940 года (ад ультыматыўнага падпісання ваенна-палітычных пагадненняў з Масквой да іх фактычнай акупацыі і анексіі).

На самую блізкую перспектыву, да крытычнага паслаблення Масквы ў выніку фатальнай «малой пераможнай вайны» з Украінай-Руссю, скрыжаванне для Беларусі, мабыць, абмяжоўваецца двума маркотнымі, дэпрэсіўнымі і дэструктыўнымі опцыямі з разраду «хрэн або рэдзька».

Альбо несувераны статус пры захаванні чыста намінальнай дзяржаўнасці ў цяперашнім фармаце «Саюзнай дзяржавы» па выніках рэалізацыі бягучых «інтэграцыйных праграм» (БССР-2). Альбо — калі Маскве «на пасашок» вельмі захочацца паўнавартасна «паглыбіць» фармат Саюзнай дзяржавы і ў ваенна-палітычнай сферы — аж да часовага фактычнага ўваходжання ў склад метраполіі.

Каментары3

  • Алкадий
    19.12.2022
    В Беларуси в сороковом году было больше суверенитета. Плюс тогда ещё был Вильно, Ковно и ещё 259 населённых пунктов и городков, которые потом внезапно стали не нашими.
  • д
    19.12.2022
    Алкадий, а кто из сделал "не нашими" - москва и лично сталин.  
  • Вадя
    19.12.2022
    Извините ,но вряд ли белорусов станут пачками расстреливать в застенках ФСБ и сомнительно,что пойдут на восток эшелоны с депортированными .Здесь случай иной и автор подобного не догоняет ,как гаварыцца

Цяпер чытаюць

Жанчыну-пульманолага з 30-гадовым стажам адправілі ў калонію па трох палітычных артыкулах9

Жанчыну-пульманолага з 30-гадовым стажам адправілі ў калонію па трох палітычных артыкулах

Усе навіны →
Усе навіны

У Мінску здарыўся чарговы патоп

Шрайбман: Лукашэнка больш прагматычны за Пуціна10

У Закарпацці падлеткі 13, 14, 16 і 17 гадоў згвалтавалі 46-гадовую жанчыну3

Палітвязню з Маладзечна, у якога няма адной нагі, прысудзілі 4 гады калоніі1

Блогер-канспіролаг Вірус спыняе сваю дзейнасць, бо ніхто яму не данаціў13

«Прагноз кіроўцы — 15—16 гадзін на мяжы». Пасажыры аўтобусаў, што едуць у Літву, скардзяцца на незвычайна доўгае чаканне1

«Нават дарослыя хацелі далучыцца». Як беларусы ў эміграцыі арганізавалі летнік для дзяцей у Белавежскай пушчы

Застаўся без парэчак. Уладальнік гадавальніка пад Мінскам — пра тое, як надвор’е паўплывала на працу1

Топ-менеджарка Astronomer, якая абдымалася з CEO кампаніі на канцэрце Coldplay, таксама звольнілася4

больш чытаных навін
больш лайканых навін

Жанчыну-пульманолага з 30-гадовым стажам адправілі ў калонію па трох палітычных артыкулах9

Жанчыну-пульманолага з 30-гадовым стажам адправілі ў калонію па трох палітычных артыкулах

Галоўнае
Усе навіны →

Заўвага:

 

 

 

 

Закрыць Паведаміць