Дар'я Шманай прызначаная дарадцай-пасланніцай пасольства Беларусі ў Расіі. Пастанову 24 кастрычніка падпісаў прэм'ер-міністр Раман Галоўчанка, дакумент апублікаваны на Нацыянальным прававым інтэрнэт-партале, піша Reform.by.
Дар'я Шманай. Фота: ВКонтакте
У СМІ Шманай называлі «культавай памочніцай» Лукашэнкі мінулага дзесяцігоддзя, яна была адзін час начальніцай аддзела дзяржаўнага пратакола пры Лукашэнку. Вядомы выпадак, калі Лукашэнка нават прылюдна прапаноўваў яе пацалаваць колішняму прэзідэнту Казахстана Нурсултану Назарбаеву.
Таксама яна вядомая сяброўствам з прэс-сакратаркай Лукашэнкі Наталляй Эйсмант і яго фаварытам Дзмітрыем Баскавым. Іх разам бачылі падчас набегаў на двары з пратэснай актыўнасцю ў 2020 годзе. Менавіта ў адзін з такіх рэйдаў быў забіты Раман Бандарэнка, жыхар «Плошчы пераменаў» у Мінску.
У пачатку 2020 года Дар'я Шманай знікла з атачэння Лукашэнкі, і, мяркуючы па тым, што была членам выбарчай камісіі ў пасольстве ў Маскве, працавала недзе ў расійскай сталіцы, але невядома дзе і кім. Пасля яе некалькі разоў бачылі побач з Лукашэнкам, апошні раз — 28 верасня падчас ягонага нечаканага візіту ў абхазскую Піцунду.
Цяпер чытаюць
Лукашэнка: Што творыцца ў краіне, у нас усе гэтую гусь круцяць31
Лукашэнка: Што творыцца ў краіне, у нас усе гэтую гусь круцяць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5858
Каментары