Навошта рабіць шмат маленькіх блінцоў, калі можна выпякаць усё цеста разам і проста нарэзаць блін на кавалкі? Напэўна, так думалі фіны, калі склалі рэцэпт гэтай дзіўнай, але смачнай стравы. Паліце блін па-фінску варэннем ці смятанай, зрабіце кубак кавы і цешцеся.
Фота: BBC Food
Каб згатаваць блін па-фінску, вам трэба:
- 150 грамаў мукі
- 1 чайная лыжка разрыхляльніку
- 2 сталовыя лыжкі цукру
- дробка солі
- 4 яйкі
- 600 мілілітраў малака
- 25 грамаў растопленага масла
- Для падачы: цукровая пудра, джэм, узбітыя вяршкі ці смятана
- Пакладзіце ў вялікую міску муку, разрыхляльнік, цукар і соль. Зрабіце паглыбленне ў цэнтры і ўбіце туды яйкі. Калатоўкай паступова змяшайце муку і яйкі, пакуль у вас не стане густое цеста. Потым памалу ўлівайце ў яго малако і адначасова перамешвайце цеста, пакуль у вас не стане аднародная сумесь.
- Пастаўце цеста як мінімум на паўгадзіны, каб яно крышку загусцела.
- За 10 хвілін да таго, як пачнеце гатаваць блін, разагрэйце духоўку ці аэрагрыль да 200 градусаў.
- Падрыхтуйце бляху або форму для выпякання, вышмаруйце яе растопленым маслам і ўліце туды цеста. Выпякайце блін прыкладна 30 хвілін. Страва будзе гатовай, калі блін добра падымецца і пачне рабіцца залаціста-карычневым.
- Перад падачай пасыпце блін цукровай пудрай, разрэжце яго на долі і паліце тым, з чым вы любіце есці бліны.
Рэцэпт на выхадныя. Яблычна-грушавы крамбл — сакавіты восеньскі дэсерт
Рэцэпт на выхадныя. Яблычны пірог з крошкай — просты і смачны
Рэцэпт на выхадныя. Пудынг Евы — 200-гадовая брытанская страва
Цяпер чытаюць
Што здарылася з Мікітам Мелказёравым, які раптоўна памёр ноччу?31
Каментары
а! зразумела.
гэта сялянская ежа. калі часу няма выпякаць гэтыя ўсе тонкія ажурныя блінчыкі...
змяшаў, вываліў усё у бляху або форму для выпякання, вышмараваўшы яе растопленым маслам і ўсё. гатова. смачна есці