Паўла Вінаградава перавялі ў калонію, дзе знаходзяцца асуджаныя з адкрытай формай сухотаў
Палітвязень Павел Вінаградаў, у якога раней выявілася пляма ў лёгкіх, прайшоў у калоніі курс антыбіётыкаў. Гэта не дапамагло, піша «Вясна».
13 ліпеня стала вядома, што ў ваўкавыскай калоніі №11 Вінаградаву зрабілі рэнтген і знайшлі пляму ў лёгкіх. Яго лячылі антыбіётыкамі ў надзеі, што гэта пнеўманія.
Сёння стала вядома, што 28 ліпеня Вінаградава перавялі ў аршанскую папраўчую калонію №12, дзе ўтрымліваюцца і лечацца асуджаныя, хворыя на актыўную форму сухотаў.
Таксама паведамляецца, што Вінаградава пазбавілі працяглага спаткання за сон днём — цяпер палітвязнь афіцыйна прызнаны «злосным парушальнікам рэжыму».
Адрас для падтрымкі: ПК №12, 211381, Віцебская вобласць, Орша, вул. Смаленская, 2, Павел Юр'евіч Вінаградаў.
Каментары