Каліновец: «За выпадковы стрэл на чалавека надзелі бронік з надпісам «спытай, чаму я ў броніку» — жудаснае пакаранне»
Баец палка Каліноўскага Аляксей Лазараў падзяліўся ў сваім твітары поглядам на сітуацыю вакол Ціхана Клюкача. Тады паведамлялася, што Ціхан зрабіў правіну: стрэліў у бок жылога квартала. На яго было накладзена спагнанне, у выніку чаго Ціхан пакінуў полк.
«Мне падабаюцца каментары людзей у белым паліто, якія асуджаюць зусім бяскрыўдныя (і занадта мяккія, як па мне) пакаранні за сур'ёзныя правіны. Апішу сітуацыі і маё стаўленне да іх.
Баец ПКК здзейсніў выпадковы стрэл і за гэта яго надзелі ў бронік з надпісам «Спытай мяне, чаму я ў броніку». Жудаснае пакаранне. Гэтым стрэлам баец мог забіць свайго пабраціма. Я сам разам з [сяброўкай] ледзь не стаў ахвярай нядбалага абыходжання са зброяй з боку байца ТРА [тэрытарыяльнай абароны]. Чалавек вырашыў, што гэта для яго занадта крыўднае пакаранне і сышоў з палка. Усё ок, праблемы не бачу».
Таксама Лазараў апісвае другі выпадак, які адбыўся ў палку: «Баец у форме і са зброяй пайшоў у краму. Гэтым учынкам ён, як мінімум, парушыў загад (!), які забараняе такое рабіць. Па-другое, ён такімі дзеяннямі раскрыў месца размяшчэння нашых байцоў, што можа выклікаць прылёт ракеты і кучу 200-х [cмерцяў]».
«Людзі ставяць пад пагрозу жыцці сваіх пабрацімаў, а вы разважаеце, наколькі такія пакарання дарэчныя. І адзначу, у адрозненне ад байцоў УСУ, нашы воіны ў любы момант могуць разарваць кантракт, калі іх нешта не задавальняе. І чамусьці 99% людзей гэта не робяць», — рэзюмуе Лазараў.
Крык душы Бяспалава пра Ціханоўскага: Ён ператвараецца ў Лукашэнку 2.0, гэта траянскі конь80
Каментары
А полк Калиновского будет основой новой армии Беларуси.