Гродзенскага святара, які публікаваў гімн «Магутны Божа», звольнілі з прыхода
Іерэя Андрэя Ноздрына, настаяцеля праваслаўнага прыхода ў Альшанцы, вызвалілі ад пасады. Пра гэта ён сам паведаміў на сваёй старонцы ў Інстаграме. У пятніцу іерэй правядзе апошнюю службу.
«У пятніцу ў 9:00 буду служыць апошнюю службу на Альшанцы. Усіх люблю і абдымаю», — напісаў ён.
Гродзенка Вольга Бондарава напісала на святара данос.
«Памятаеце бчб-папа Ноздрына, суграмадзяне, які спачатку быў за дзяржаўны пераварот, затым публікаваў нацысцкі гімн Арсенневай «Магутны Божа» ў выкананні гродзенскіх махляроў у рызах, рэпосціў экстрэмісцкую памыйніцу «Тутбай», а затым апусціўся да падтрымкі тэрарыстычнага рэжыму Украрэйха?» — напісала Бондарава.
Па яе заяве правялі праверку. Парушэнняў з боку Ноздрына не выявілі. Але прафілактычную гутарку аб выкананні заканадаўства і недапушчэнні здзяйснення экстрэмісцкіх правапарушэнняў і злачынстваў правялі.
Андрэй Ноздрын — клірык Гродзенскай епархіі БПЦ, быў настаяцелем храма Спірыдона Трыміфунцкага ў Гродне. У жніўні 2020 года заклікаў не распальваць варожасць паміж народам і арміяй. Мяркуючы па акаўнце ў Фэйсбуку, падтрымліваў Віктара Бабарыку. Выступаў супраць вайны ва Украіне, нагадвае hrodna.life.
-
Ціханоўскі расказаў, як за дапамогу яму асудзілі іншага вязня, што сядзеў не за палітыку
-
«Стаяць на сваім, кожны наколькі можа!». Вялікая гутарка з Наталляй Дулінай пра гопнікаў з ГУБАЗіКа, Калеснікаву і што там у каго ў калоніі
-
«Калеснікаву перад сустрэчай з бацькам спрабавалі прывесці ў парадак — яна была на ўзмоцненым харчаванні»
«Стаяць на сваім, кожны наколькі можа!». Вялікая гутарка з Наталляй Дулінай пра гопнікаў з ГУБАЗіКа, Калеснікаву і што там у каго ў калоніі4
Каментары