Праз два гады пандэміі КНДР паведаміла аб «першых выпадках» каранавіруса. У краіне ўведзены лакдаўн
Улады КНДР паведамілі аб першых у краіне выпадках заражэння каранавірусам, паведамляе паўднёвакарэйскае агенцтва Yonhap са спасылкай на паўночнакарэйскія СМІ.
Выпадкі заражэння «амікронам» нібыта былі выяўленыя ў Пхеньяне — аналізы ў жыхароў з сімптомамі Covid-19 былі ўзятыя 8 траўня.
Пасля гэтага ва ўсёй краіне быў уведзены рэжым «максімальнай надзвычайнай сітуацыі» і абʼяўлены лакдаўн. Колькі менавіта людзей заразілася, не паведамляецца.
Лідар КНДР Кім Чэн Ын загадаў падначаленым спыніць распаўсюджванне віруса і паабяцаў, што краіна пераадолее крызіс, які, паводле яго слоў, узнік нечакана.
«Мы пераадолеем крызіс, які раптам узнік, і абавязкова пераможам», — сказаў ён на спецыяльна скліканым у чацвер пасяджэнні палітбюро цэнтральнага камітэта Працоўнай партыі КНДР.
Улады КНДР раней сцвярджалі, што ў краіне за час пандэміі не было зарэгістравана ніводнага выпадку заражэння каранавірусам.
Экперты выказвалі сумневы ў тым, што КНДР удалося не дапусціць завозу каранавіруса ў краіну.
У Еўропе ж у гэты час адмяняюць абавязковае нашэнне масак нават у самалётах і аэрапортах.
-
Двое беларусаў, якія мелі сувязі з расійскай вайсковай прамысловасцю, атрымалі амаль паўмільёна еўра ад ЕС
-
«Каб увесь свет гаварыў па-руску, вывучайце аўтамат Калашнікава». У Расіі ўдзельнік вайны даў наказ школьнікамі 1 верасня
-
Праз 30 гадоў суд назваў вінаватага ў забойстве Тупака Шакура — аднаго з самых уплывовых рэпераў у гісторыі
Цяпер чытаюць
31‑гадовы расіянін акруціў 17‑гадовую беларуску. Фінал гісторыі страшны: турма за наркотыкі, смерць дзіцяці, «СВА» і скрадзеныя грабавыя7
Каментары