У Албаніі аўтобус захрас над ракой. Яго прапануюць не прыбіраць, а ператварыць у мост альбо сад
Мэр сталіцы нават арганізаваў галасаванку ў Твітары. 29 красавіка ў Тыране гарадскі аўтобус сутыкнуўся з аўтамабілем і з'ехаў з дарогі так, што захрас паміж двух берагоў ракі Лана — асноўнай воднай артэрыі сталіцы Албаніі, піша TJ.
У мясцовых СМІ мяркуюць, што прычынай аварыі стала перавышэнне хуткасці кіроўцам аўтобуса. У момант ДТЗ аўтобус быў поўны пасажыраў. Загінулых няма, але пацярпелі тры чалавекі, якія ехалі ў аўтобусе, і два з аўтамабіля.
Спачатку планавалася, што гарадскія службы адразу ж дастануць аўтобус, але гэтага не адбылося. А 30 красавіка мэр Тыраны Эрыён Вяліяй назваў аварыю ў Твітары «самым дзіўным інцыдэнтам у сталіцы за апошняе стагоддзе, які, на шчасце, не прывёў да ахвяр». Мэр падкрэсліў, што пакуль улады рыхтаваліся прыбраць аўтобус, многія людзі сталі прапаноўваць пакінуць яго над ракой і ператварыць у інсталяцыю. Напрыклад, зрабіць з яго альтэрнатыўны мост праз Лану.
Веліяй запусціў галасаванне ў Твітары, прапанаваўшы «пакінуць і даглядаць яго» або «прыбраць, паколькі ён псуе выгляд». Яшчэ адзін варыянт — для тых, хто хоча паглядзець вынік. Пакуль перамагае першы варыянт з 69,4%.
❓
Fatmiresisht aksidenti me i çuditshem ne nje shekull kryeqytet qe pa pasoja per jeten!
Por teksa po pergatiteshim per te hequr autobuzin mbi Lane, shume vete propozuan ta leme si nje instalacion per kujdesin ne timon e ure alternative mbi Lane!
Si mendon shumica? ♂️
У рэплаях і каментарах прапануюць варыянты, што можна зрабіць з аўтобусам, напрыклад, ператварыць у інсталяцыю аб небяспечным кіраванні.
Яшчэ ёсць ідэя з прасторай, усярэдзіне якой была б дзіцячая выстава пра карысць вырошчвання раслін.
Ёсць ідэя, якім менавіта можна зрабіць альтэрнатыўны мост.
Галасаванне скончыцца 2 мая, але ці прыме рашэнне мэр, абапіраючыся на яго вынікі, пакуль невядома.
Цяпер чытаюць
Гісторыя 12‑гадовай Веры ў мінскай інфекцыйнай бальніцы настолькі ўразіла беларусаў, што цяпер чарга з ахвотных дапамагчы6
Каментары