«Яны здохнуць, а мы ў рай!» З’явілася відэа з расійскім вайскоўцам на фоне залпавага агню
У інтэрнэце з’явілася кароткае, але ўражваючае відэа з расійскім вайскоўцам, які пасміхаецца і грымаснічае на фоне ўстановак залпавага агню, якія страляюць па Марыупалі.
На грудзях у вайскоўца шыльда са словамі Пуціна «Яны здохнуць, а мы ў рай!»
Гэтыя словы Пуцін прамовіў 18 кастрычніка 2018 года на Валдаі. Там ён тлумачыў свае словы аб гатоўнасці прымяніць ядзерную зброю. Пуцін сказаў, што Расія зробіць гэта толькі пасля таго, як пераканаецца, што патэнцыйны агрэсар наносіць удар.
Пуцін тады растлумачыў: сутнасць ядзернай дактрыны Расіі нібыта ў тым, што «агрэсар павінен ведаць: адплата непазбежная, усё роўна ён будзе знішчаны».
«А мы як ахвяра агрэсіі, мы як мучанікі трапім у рай, а яны проста здохнуць», — сказаў Пуцін.
Каментары