У Генштабе расказалі, што расійскія войскі могуць застацца ў Беларусі
«Падраздзяленні Узброеных сіл Расіі вернуцца ў свае пункты пастаяннай дыслакацыі толькі тады, калі ў гэтым з'явіцца аб'ектыўная неабходнасць», — такі тэзіс выказаў начальнік Генштаба Узброеных сіл Беларусі генерал-маёр Віктар Гулевіч на брыфінгу для ваенных аташэ, прымеркаваным да Дня абаронцаў Айчыны.
«У сувязі з нарастаннем ваеннай актыўнасці ля знешніх межаў Саюзнай дзяржавы і абвастрэннем сітуацыі на Данбасе кіраўнікамі Беларусі і Расіі прынятае рашэнне праверку сіл рэагавання Саюзнай дзяржавы працягнуць.
Падраздзяленні Узброеных сіл Расіі вернуцца ў пункты пастаяннай дыслакацыі толькі тады, калі ў гэтым з'явіцца аб'ектыўная неабходнасць, і калі мы гэта самі вызначым. Гэта выключна наша ўнутраная справа.
У немалой ступені гэта будзе залежаць таксама і ад нашых заходніх калег. Сілы і сродкі, якія былі размешчаныя ва ўсходнееўрапейскім рэгіёне, у тым ліку паблізу дзяржаўнай мяжы Рэспублікі Беларусь, з'яўляюцца адным з фактараў, якія ўплываюць на далейшае развіццё сітуацыі», — заявіў Віктар Гулевіч.
Ён дадаў, што Рэспубліка Беларусь «мае права патрабаваць адводу створаных груповак войскаў ЗША і асобных краін — членаў NATO ад межаў Рэспублікі Беларусь і Саюзнай дзяржавы, і забяспечыць кантроль вываду войскаў мерапрыемствамі верыфікацыі.
Чытайце таксама:
Мінабароны РБ: «Беларусь і Расія вырашылі працягнуць сумесную праверку сіл рэагавання»
Пуцін паабяцаў Макрону, што выведзе войскі з Беларусі пасля вучэнняў
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»31
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары