U Hienštabie raskazali, što rasijskija vojski mohuć zastacca ŭ Biełarusi
«Padraździaleńni Uzbrojenych sił Rasii viernucca ŭ svaje punkty pastajannaj dysłakacyi tolki tady, kali ŭ hetym źjavicca abjektyŭnaja nieabchodnaść», — taki tezis vykazaŭ načalnik Hienštaba Uzbrojenych sił Biełarusi hienierał-major Viktar Hulevič na bryfinhu dla vajennych ataše, prymierkavanym da Dnia abaroncaŭ Ajčyny.
«U suviazi z narastańniem vajennaj aktyŭnaści la źniešnich miežaŭ Sajuznaj dziaržavy i abvastreńniem situacyi na Danbasie kiraŭnikami Biełarusi i Rasii pryniataje rašeńnie pravierku sił reahavańnia Sajuznaj dziaržavy praciahnuć.
Padraździaleńni Uzbrojenych sił Rasii viernucca ŭ punkty pastajannaj dysłakacyi tolki tady, kali ŭ hetym źjavicca abjektyŭnaja nieabchodnaść, i kali my heta sami vyznačym. Heta vyklučna naša ŭnutranaja sprava.
U niemałoj stupieni heta budzie zaležać taksama i ad našych zachodnich kaleh. Siły i srodki, jakija byli raźmieščanyja va ŭschodniejeŭrapiejskim rehijonie, u tym liku pablizu dziaržaŭnaj miažy Respubliki Biełaruś, źjaŭlajucca adnym z faktaraŭ, jakija ŭpłyvajuć na dalejšaje raźvićcio situacyi», — zajaviŭ Viktar Hulevič.
Jon dadaŭ, što Respublika Biełaruś «maje prava patrabavać advodu stvoranych hrupovak vojskaŭ ZŠA i asobnych krain — členaŭ NATO ad miežaŭ Respubliki Biełaruś i Sajuznaj dziaržavy, i zabiaśpiečyć kantrol vyvadu vojskaŭ mierapryjemstvami vieryfikacyi.
Čytajcie taksama:
Minabarony RB: «Biełaruś i Rasija vyrašyli praciahnuć sumiesnuju pravierku sił reahavańnia»
Pucin paabiacaŭ Makronu, što vyviedzie vojski ź Biełarusi paśla vučeńniaŭ
Ciapier čytajuć
Telegram vydaliŭ svoj aficyjny biełaruski kanał — vierahodna, kab nie padstaŭlać ludziej. Ale mnohija paśpieli padstavicca8
Kamientary