Прэзідэнт Расіі Уладзімір Пуцін у размове з французскім калегам Эмануэлем Макронам пацвердзіў намер вывесці расійскія войскі з Беларусі пасля заканчэння вучэнняў, паведаміў BFMTV са спасылкай на Елісейскі палац.
«Уладзімір Пуцін паведаміў прэзідэнту Францыі аб сваім намеры вывесці свае войскі з Беларусі па заканчэнні вучэнняў», — гаворыцца ў паведамленні.
Аднак у Елісейскім палацы адзначылі, што заявы з боку Беларусі не супадаюць са словамі Пуціна.
20 лютага павінны былі завяршыцца вучэнні «Саюзная рашучасць — 2022», аднак сёння міністр абароны Беларусі Віктар Хрэнін паведаміў аб працягу манеўраў у выглядзе «праверкі сіл рэагавання Саюзнай дзяржавы». Ён патлумачыў, што рашэнне было прынята «ў сувязі з нарастаннем ваеннай актыўнасці ля знешніх межаў Саюзнай дзяржавы і абвастрэннем сітуацыі на Данбасе». Расійскае Мінабароны пакуль не рабіла заяваў па гэтым пытанні.
Чытайце таксама:
Парыж заявіў аб падрыхтоўцы саміта «для вызначэння новага парадку» ў Еўропе
Мінабароны РБ: «Беларусь і Расія вырашылі працягнуць сумесную праверку сіл рэагавання»
Цяпер чытаюць
«Мы не ведалі Сяргея Ціханоўскага да сённяшняй прэс-канферэнцыі»12
Каментары