4 лютага Аляксандр Калеснікаў змог пагутарыць са сваёй дачкой, піша канал Віктара Бабарыкі.
Фота: БелТА/Reuters
Калеснікава кажа, што ў яе ўсё добра, наколькі гэта магчыма ва ўмовах зняволення. Марыя перадае прывітанне камандзе і ўсім беларусам — вельмі сумуе па ўсіх.
У калоніі палітзняволеная шые летнія курткі з кішэнямі. Атрымліваецца няблага, але пакуль няхутка.
Маленькая радасць: купіла марозіва ўпершыню з моманту затрымання.
Пісаць Калеснікавай можна па адрасе: 246035, г. Гомель, вул. Антошкіна, 3, ВК-4, 18 атрад.
Нагадаем, што кіраўніцу штаба Бабарыкі Марыю Калеснікаву 6 верасня 2021 года асудзілі на 11 гадоў калоніі.
Каментары