Выдаткі на войска ў Беларусі — усяго па 89 даляраў з чалавека. А ў Эстоніі — па 529
Міжнародны дыскусійны клуб «Валдай» напрыканцы мінулага года прааналізаваў звесткі аб вайсковых выдатках і колькасці войскаў у краінах былога СССР і прадставіў іх у выглядзе інфаграфікі, піша belmarket.by.
Па інфармацыі складальнікаў інфаграфікі, самым вялікім ваенным патэнцыялам валодае, натуральна, Расія. Колькасць вайскоўцаў у краіне складае 3 568 тыс. чалавек. Далей ідуць Украіна (1 211 тыс. чалавек) і Азербайджан (472 тыс. чалавек).
Беларусь з 15 дзяржаў былога СССР займае чацвёртае месца. Колькасць вайскоўцаў у краіне складае 445 тыс. чалавек. А менш за ўсё вайскоўцаў у Таджыкістане — усяго 16 тыс. чалавек.
Па суме ваенных выдаткаў зноў наперадзе ўсіх Расія. На абарону яна выдаткоўвае 61 713 млн даляраў. А вось па ваенных выдатках на душу насельніцтва лідзіруе Эстонія — сума на аднаго чалавека складае 529 даляраў.
У Беларусі, па інфармацыі клуба «Валдай», на «абаронку» расходуецца 845 млн даляраў. Ваенныя ж выдаткі на душу насельніцтва складаюць усяго 89 даляраў.
Цяпер чытаюць
Музыка, маляванне і танцы ў школах і гімназіях — усё? Што вядома пра скарачэнні настаўнікаў-эстэтыстаў6
Музыка, маляванне і танцы ў школах і гімназіях — усё? Што вядома пра скарачэнні настаўнікаў-эстэтыстаў
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1313
Каментары