У Маскве выпаў з акна галоўны рэдактар шавіністычнага сайта «Спутник и погром» Ягор Прасвірнін
Адбылося гэта на Цвярскім бульвары, насупраць гасцініцы «Арменія». Цела Прасвірніна апазнала жонка. Яму было 35 гадоў.
Фота Людмілы Андрэевай, the-village.ru
Па словах відавочцаў, спачатку мужчына выкінуў у акно нож і газавы балончык, а потым выскачыў сам, абсалютна аголены. Да гэтага суседзі чулі ў кватэры крыкі.
«Спутник и погром» быў заблакаваны ў Беларусі, яго матэрыялы прызнаныя экстрэмісцкімі. Сайт Прасвірніна дастаткова шмат пісаў пра Беларусь, найчасцей называючы нашу краіну «Заходняя Русь», альбо «экс-БССР», і лічыў гістарычнай памылкай дзяржаўнасць краіны, неаднаразова падкрэсліваў гэта ў сваіх публікацыях.
Таксама з 2017 года «Спутник и погром» быў заблакаваны і ў Расіі за апраўданне дзейнасці забароненых у ёй экстрэмісцкіх груповак накшталт «Ісламскай дзяржавы».
Цяпер чытаюць
Пашпарты беларусаў, якія галасуюць на выбарах у КР, апрацуе кампанія, у якой апошнюю ўцечку выявілі ў 2026-м, а заснавальнікі — расіяне68
Каментары