Палітвязень Юрый Касцюк быў асуджаны да аднаго года «хіміі» за сарваны ў Брэсце з гасцініцы дзяржаўны сцяг. Пакаранне ён адбываў у Гродне.
23 лістапада прайшоў суд па замене пакарання на больш строгае, паведамляюць праваабаронцы.
Як распавёў сам Юрый, у яго было некалькі парушэнняў. Адно з іх — гэта адхіленне ад маршруту (паехаў аўтобусам з працы, а не пайшоў пешшу). Яшчэ чатыры парушэнні за тое, што спаў у неналежны час у выхадныя дні. За апошнюю такую правіну яго накіроўвалі на пяць сутак у ШІЗА.
Сувязь з Юрыем пасля суда знікла, гэта можа значыць, што яго накіравалі ў гродзенскую турму.
Падтрымайце Юрыя па новым адрасе:
Турма №1, 230023, г. Гродна, вул. Кірава, 1
Цяпер чытаюць
Чацвёртую лінію мінскага метро павядуць у Дражню. А «Сляпянка» і «Даўгабродская» змянілі сваё месца3
Каментары