Прэзідэнт ЗША Джо Байдэн выступіў з заявай па сітуацыі ў Афганістане. Ён сказаў, што ўсё яшчэ лічыць верным рашэнне аб вывадзе войскаў, але сітуацыя ў краіне разгортвалася імклівей, чым меркавалася, піша Бі-бі-сі.
Па яго словах, палітычнае кіраўніцтва Афганістана здалося і збегла, а ваенныя адмовіліся змагацца з членамі «Талібана».
Амерыканскія вайскоўцы не павінны гінуць у вайне, якую самі афганцы адмаўляюцца весці. Калі афганскія вайскоўцы не здольныя абараніць краіну, яшчэ год прысутнасці амерыканскай арміі нічога не зменіць, патлумачыў прэзідэнт ЗША.
«Я цалкам падтрымліваю сваё рашэнне [аб вывадзе вайскоўцаў з тэрыторыі Афганістана]. Праз 20 гадоў я на ўласным горкім досведзе пераканаўся, што ніколі не было зручнага часу для вываду войскаў ЗША», — растлумачыў прэзідэнт.
Ён дадаў, што не будзе прасіць амерыканскіх салдат «бясконца змагацца ў грамадзянскай вайне іншай краіны».
Каментары