За паўгода больш за 3 тысячы алкаголікаў і наркаманаў адправілі ў ЛТП
Сёлета суды накіравалі ў лячэбна-трудавыя прафілакторыі 3332 чалавек. ЛТП — савецкая спадчына, такія ўстановы захаваліся толькі ў Беларусі, Туркменістане і на тэрыторыі непрызнанай Прыднястроўскай рэспублікі.
Фармальна залежных людзей змяшчаюць у прафілакторый, каб вылячыць іх пры дапамозе «медыцынскай і працоўнай тэрапіі». Фактычна ж умовы параўнальныя з месцамі пазбаўлення свабоды, ЛТП падпарадкоўваюцца Дэпартаменту выканання пакаранняў.
Падставай для накіравання ў ЛТП з’яўляецца не здзейснены правін, а хвароба — хранічны алкагалізм, наркаманія ці таксікаманія, за правапарушэнні вінаватыя асобна нясуць адміністрацыйную адказнасць.
На думку медыкаў, немагчыма прымусова вылечыць чалавека ад алкагольнай ці наркатычнай залежнасці. Больш за тое, часцяком у ЛТП трапляюць людзі, якім не прапанавалі альтэрнатыўныя метады лячэння. Па сутнасці, адзіная карысць ад такіх «прафілакторыяў» — часовая ізаляцыя дэбашыра ад сваякоў. Дзяржава нават не вядзе статыстыку, колькі алкаголікаў і наркаманаў вылечваецца за час знаходжання ў ЛТП.
18‑гадовы курсант Вайсковай акадэміі з Ляхавіч нікому нічога не сказаў, забраў дакументы і паехаў ваяваць за Расію. Цяпер па ім плачуць48
Каментары