Za paŭhoda bolš za 3 tysiačy ałkaholikaŭ i narkamanaŭ adpravili ŭ ŁTP
Sioleta sudy nakiravali ŭ lačebna-trudavyja prafiłaktoryi 3332 čałaviek. ŁTP — savieckaja spadčyna, takija ŭstanovy zachavalisia tolki ŭ Biełarusi, Turkmienistanie i na terytoryi niepryznanaj Prydniastroŭskaj respubliki.
Farmalna zaležnych ludziej źmiaščajuć u prafiłaktoryj, kab vylačyć ich pry dapamozie «miedycynskaj i pracoŭnaj terapii». Faktyčna ž umovy paraŭnalnyja ź miescami pazbaŭleńnia svabody, ŁTP padparadkoŭvajucca Departamientu vykanańnia pakarańniaŭ.
Padstavaj dla nakiravańnia ŭ ŁTP źjaŭlajecca nie ździejśnieny pravin, a chvaroba — chraničny ałkahalizm, narkamanija ci taksikamanija, za pravaparušeńni vinavatyja asobna niasuć administracyjnuju adkaznaść.
Na dumku miedykaŭ, niemahčyma prymusova vylečyć čałavieka ad ałkaholnaj ci narkatyčnaj zaležnaści. Bolš za toje, čaściakom u ŁTP traplajuć ludzi, jakim nie prapanavali alternatyŭnyja mietady lačeńnia. Pa sutnaści, adzinaja karyść ad takich «prafiłaktoryjaŭ» — časovaja izalacyja debašyra ad svajakoŭ. Dziaržava navat nie viadzie statystyku, kolki ałkaholikaŭ i narkamanaŭ vylečvajecca za čas znachodžańnia ŭ ŁTP.
Ciapier čytajuć
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje6
Kamientary