На оперную зорку Ляўчук завялі крымінальную справу за эпізод з кліпа
Крымінальную справу за знявагу дзяржаўнага сцяга распачала Генпракуратура Беларусі. Падазраваная — вядомая оперная спявачка Маргарыта Ляўчук. Пра гэта яна напісала ў сваім фэйсбуку.
Генеральная пракуратура завяла крымінальную справу. Паводле матэрыялаў, нейкая «Л., 1990 года нараджэння» (гаворка ідзе пра Ляўчук) нібыта вырабіла відэазапіс са сцэнамі «абразлівых і блюзнерскіх дзеянняў у дачыненні да дзяржаўнай сімволікі».
Нібыта Ляўчук кінула сцяг на зямлю, а затым паклала яго ў кантэйнер для смецця. Відэазапіс размясцілі на відэа-хостынгу YouTube.
Дзеянні кваліфікаваныя па арт. 370 Крымінальнага кодэкса Рэспублікі Беларусь.
Маргарыта Ляўчук у 2020 годзе падтрымала рух за свабодныя выбары. У выніку яе разам з групай іншых зорак звольнілі з Оперы. У апошнія месяцы яна стала запісваць песні ў стылі палітычнага кабарэ, якія набылі вялізную папулярнасць. Яе кліпы збіраюць сотні тысяч праглядаў за некалькі тыдняў.
Цяпер чытаюць
Што вядома пра віцебчука, якога вінавацяць у спробе падрыву самалёта ў Германіі16
Каментары