«Калі падчаплю каранавірус, то мне канец». Сын Шушкевіча заразіўся кавідам, і 86-гадовы палітык сышоў на жорсткую ізаляцыю
Сын першага кіраўніка незалежнай Беларусі Станіслава Шушкевіча заразіўся каранавіруснай інфекцыяй, калі адбываў 10-сутачны арышт у жодзінскім ізалятары. Жонка палітыка Ірына заразілася ад сына, калі паехала забіраць яго пасля адседкі, піша Еўрарадыё.
Цяпер 86-гадовы Шушкевіч на жорсткай самаізаляцыі ад родных, бо ён у «групе рызыкі» па COVID-19.
Ён расказаў, што застаўся ў кватэры адзін і не выходзіць з яе.
— Сын у турме падчапіў каранавірус, заразіў маці. Цяпер яны ў іншай кватэры, а я ў гэтай — на рэжыме самаізаляцыі. Сын ужо, здаецца, перахварэў, а жонка хварэе.
Аналізы паказалі, што і ў адным, і ў другім выпадку быў COVID-19. Жонка тры дні адчувала сябе вельмі дрэнна. Сын перанёс параўнальна лёгка.
У камеры, дзе сядзеў сын Шушкевіча, хварэла дзесяць чалавек
— Сын расказваў, што ў Жодзіне ставіліся па-людску, на Акрэсціна — па-бандыцку.
Станіслаў Шушкевіч, яму 15 снежня споўнілася 86 гадоў, пакуль што не мае намеру выходзіць у людзі: рызыка заразіцца высокая.
— Калі я падчаплю каранавірус, то мне канец. Таму пакуль што планую быць на жорсткай самаізаляцыі. Калі пачнецца вакцынацыя, то выйду, а так нават выходзіць не хачу. У мяне акрамя пагрозы каранавіруса кардыялагічных хапае і іншых праблем, мне ўсё ж такі 86 гадоў.
-
«Паставілі на лічыльнік яшчэ ў турме». Ігар Карней расказаў, чым скончылася гісторыя з судовымі выканаўцамі і штрафамі
-
87 рублёў заробку і асаблівыя ўмовы для некаторых студэнтаў. Выкладчык БДУІР звярнуўся да Лукашэнкі
-
Першы беларускі пашпарт з «Пагоняй» атрымаў Лукашэнка, а другі — школьнік Юрый Чарняк. Як склаўся лёс хлопца?
Цяпер чытаюць
Першы беларускі пашпарт з «Пагоняй» атрымаў Лукашэнка, а другі — школьнік Юрый Чарняк. Як склаўся лёс хлопца?10
Каментары