«Апладзірую стоячы супергерою». Баяніст Віталь Варанко запісаў кліп у падтрымку Лукашэнкі ВІДЭА
Беларускі баяніст Віталь Варанко выпусціў кліп «Бацька».
«Бацька, родны наш бацька, бульба з табою, з народнай любоўю. Апладзірую стоя супергерою», — бадзёра спявае артыст у кукурузным полі. Ён дзякуе кіраўніку краіны за дарогі, чысціню і мірнае неба над галавою.
Віталь расказаў «Нашай Ніве», што запісаць песню было яго ідэяй.
«Я проста гляджу на гэту сітуацыю і бачу: наогул ніхто не падтрымлівае нашага прэзідэнта. І вырашыў падтрымаць. Гэта асабіста маё меркаванне, яно ніколі і не мянялася па сутнасці. Я шмат дзе пабываў: паўсюль ёсць свае праблемы. Заўсёды прыемна вяртацца дадому. Усё мірна, спакойна.
Так, я не стаў алігархам. Езжу на старой машыне, жыву на здымнай кватэры, але працягваю займацца творчасцю і сам сябе раблю. Перш чым супраць кагосьці выступаць трэба думаць пра тое, што робіце вы», — лічыць артыст.
За дзве гадзіны кліп сабраў дзясяткі абуральных каментароў.
«У кожнага ёсць сваё меркаванне, я яго паважаю, — спакойна ставіцца да рэакцыі аўдыторыі Віталь. — Калі ад мяне адвярнуцца ці зненавідзяць нейкія сябры, значыць такія і сябры. Я застаўся музыкантам».
Два гады таму баяніст, дарэчы, выступаў перад Лукашэнкам. Сыграў яму «Жыве-жыве ў гэтым доме Галіна», ды так, што прэзідэнт падпяваў.
«Гэта маёй мамы любімая песня, бо яе так завуць, — патлумачыў Віталь той выбар рэпертуару. — Я яе спяваю на ўсіх карпаратывах, яна ўсім заходзіць. Падумаў, значыць, і тут зойдзе».
Чытайце таксама
Лукашэнка падпяваў «Живет-живет в этом доме Галина». А міністр культуры з віцэ-прэм'ерам пасаромеліся ВІДЭА
Віталь Варанко, які граў для Лукашэнкі на баяне, стаў удзельнікам «Дома-2» ВІДЭА
Цяпер чытаюць
На «Гродна Азоце» скончыў жыццё самагубствам намеснік начальніка цэха1
На «Гродна Азоце» скончыў жыццё самагубствам намеснік начальніка цэха
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары