Экс-прэзідэнт Грузіі і былы кіраўнік Адэскай абласной адміністрацыі Міхаіл Саакашвілі ў сваім фэйсбуку напісаў, што атрымаў прапанову ад прэзідэнта Уладзіміра Зяленскага стаць віцэ-прэм'ерам па справах рэформаў.
«Гэта вялікі гонар для мяне … Я спадзяюся быць надзейным членам каманды і быць карысным для народа Украіны», — напісаў Саакашвілі ў фэйсбуку.
Як паведаміла РБК-Украіна намеснік кіраўніка фракцыі «Слуга народа» Яўгенія Краўчук, сапраўды ў пятніцу Вярхоўная Рада можа разгледзець гэта пытанне.
Паводле яе слоў, кандыдатура Саакашвілі на гэтую пасаду разглядаецца. Яна падкрэсліла, што кандыдатура будзе вынесена ў сесійную залу толькі ў тым выпадку, калі большасць фракцыі падтрымае такое рашэнне.
«Трэба неяк ажывіць Кабмін», — дадала іншая крыніца.
Азараў моцна пакрыўдзіўся на словы «псеўдалідаркі Ціханоўскай», што яго План Перамога быў памылкай32
Каментары