Сярэднегадавая тэмпература паветра ў Беларусі за 10 гадоў павялічылася на 0,5 градуса. Гэта выклікала рост колькасці шкоднікаў
Клімат Беларусі змяняецца, сярэднегадавая тэмпература паветра за 10 гадоў павялічылася на 0,5 градуса. Расце рызыка экстрэмальных з'яў надвор'я. Пра гэта сёння паведаміў дырэктар Інстытута прыродакарыстання НАН Беларусі доктар фізіка-матэматычных навук, прафесар Сяргей Лысенка, піша БелТА.
«Асабліва хутка адбываецца рост гадовай тэмпературы. Актыўна ідзе пацяпленне на паўднёвым усходзе Беларусі. Можна заўважыць, што колькасць ападкаў у студзені-лютым павялічваецца. Гэта больш адчувальна ў паўночных рэгіёнах краіны», — распавёў Сяргей Лысенка.
У такой змене клімату ёсць як плюсы, так і мінусы. «Узімку будуць змяншацца затраты на ацяпленне, пацяпленне аказвае спрыяльныя ўмовы для развіцця транспартнай інфраструктуры, за выключэннем рачнога транспарту, таму што ў далейшым абмяленні рэк стануць частай з'явай», — растлумачыў Сяргей Лысенка. Пацяпленне адаб'ецца станоўча і на сельскай гаспадарцы. На поўначы Беларусі нізкія тэмпературы заўсёды абмяжоўвалі развіццё земляробства. На поўдні будзе магчымасць вырошчваць больш персікаў, абрыкосаў і іншых культур. Узмацніць станоўчы эфект дазволяць адаптацыйныя мерапрыемствы.
«Ёсць і адмоўныя бакі. Расце колькасць экстрэмальных з'яў надвор'я, павялічваецца верагоднасць замаразкаў і засух. Існуе меркаванне, што з ростам тэмператур павялічваецца зменлівасць метэаэлементаў. Напрыклад, рост тэмпературы паветра не выключае наступлення максімальна халодных тэмператур», — канстатаваў дырэктар інстытута.
Змяненне клімату пацягнула за сабой павелічэнне колькасці насякомых-шкоднікаў у сельскай гаспадарцы. Пра гэта паведаміла намеснік дырэктара па навуцы Інстытута аховы раслін НАН Беларусі Алена Якімовіч.
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы54
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары