Следчы камітэт высвятляе абставіны пажару ў Лідзе, які адбыўся ўчора ўвечары і ў выніку якога загінулі тры чалавекі.
Скрыншот з відэа
Паведамленне пра ўзгаранне ў кватэры паступіла каля 23:00 18 красавіка.
Падчас тушэння пажару ратавальнікі знайшлі целы трох мужчын: 66‑гадовага гаспадара і двух ягоных гасцей — 39 і 56 гадоў. Акрамя таго, пашкоджанні атрымала кватэра, размешчаная паверхам вышэй.
Па словах суседзяў, напярэдадні гаспадар запрасіў да сябе знаёмых і яны разам ужывалі алкаголь.
Папярэдняя прычына пажару — неасцярожнае абыходжанне з агнём пры курэнні.
Каментары