У ЗША арыштавалі дваіх выхадцаў з Савецкага Саюза, прадпрымальнікаў з Фларыды Ігара Фрумана і Льва Парнаса, якія нібыта лічыліся «сябрамі» амерыканскага прэзідэнта Дональда Трампа і дапамагалі яго адвакату Рудзі Джуліяні, піша The Wall Street Journal.
Бізнэсменаў арыштавалі па падазрэнні ў парушэнні правіл фінансавання выбарчых кампаній. Абвінавачванні прад'яўленыя па артыкулах пра змову, фальсіфікацыі дакументаў і хлусню перад выбарчай камісіяй. На думку следства, група ўтаіла сапраўднае паходжанне грошай ад нейкага бізнэсмена з Расіі, выкарыстоўваючы для гэтага падстаўную кампанію. Падкрэсліваецца, што Парнас і Фруман на працягу 2018 года праводзілі сустрэчы як з самім прэзідэнтам, так і з яго сынам і адвакатам, дапамагаючы ім па розных пытаннях, звязаных з Украінай.
Цяпер чытаюць
Як купіць кватэру ў Мінску, калі няма каму дапамагчы? Задаецца пытаннем беларус, які адкладае па $1000 у месяц і ўсё адно ў адчаі5
Каментары