Сталічная служба занятасці падагульніла сітуацыю на рынку працы за першы квартал 2018 года: 1 красавіка на аднаго зарэгістраванага беспрацоўнага было 5,9 вакансіі, паведамляе БелТА.
Узровень афіцыйна зарэгістраванага беспрацоўя ў Мінску на пачатак красавіка склаў 0,2% ад эканамічна актыўнага насельніцтва. На ўліку ў службе занятасці насельніцтва ў якасці беспрацоўных былі 2,1 тысячы чалавек. Пры гэтым сталічныя наймальнікі размясцілі інфармацыю амаль пра 12,3 тысячы вакансій.
Найбольш запатрабаванымі ў сталіцы з'яўляюцца лекары і медсёстры (больш за 550 і 440 вакансій адпаведна), інжынеры (428), інжынеры-праграмісты (235), а таксама прафесіяналы будаўнічай галіны: муляры (288), маляры (170), тынкоўшчыкі (142), цесляры-бетоншчыкі (132).
Каментары