Супрацоўнікі ГУУС Мінска, Мінскай і Магілёўскай абласцей, дэпартаменту аховы і частка жаўнераў унутраных войск, якія будуць задзейнічаныя падчас Еўрапейскіх гульняў-2019 у Беларусі, пройдуць абавязковыя трохмесячныя курсы англійскай мовы, паведамляе МУС.
Ужо зараз на курсах вучацца 100 міліцыянтаў — 75 у мінскай Акадэміі міліцыі і 25 — у магілёўскім інстытуце МУС. Заняткі праводзяцца двойчы на тыдзень па дзве гадзіны. Матэрыялы ўзятыя між іншым з расійскіх ведамасных выданняў паліцыі, што выкарыстоўваліся перад Алімпіядаю ў Сочы.
Тэмы, якія асвятляюцца ў першую чаргу гэта «Апісанне знешнасці», «Афіцыйная прэзентацыя прадстаўніка праваахоўных органаў замежным грамадзянам», «Праверка дакументаў», «Парушэнне грамадскага парадку», «Допыт падазраванага і апытанне сведкі». Усяго тэматычных раздзелаў 25.
Педагогі, якія вядуць заняткі заяўляюць, што асноўная мэта курсу — «матываваць міліцыянтаў на самастойнае вывучэнне замежнай мовы і працу над сабою».
Еўрапейскія гульні пройдуць у Беларусі з 21 па 30 чэрвеня 2019 года.
Цяпер чытаюць
Палякі купляюць дамы ў Беларусі — цікавяцца, ці хопіць на жыццё еўрапейскай пенсіі, і радуюцца смешным выдаткам9
Каментары