Урад Літвы абвясціў у краіне экстрэмальную сітуацыю з-за шкоды, нанесенай сельскай гаспадарцы праліўнымі дажджамі, паведамляюць літоўскія інфармагенцтвы.
Кіраўніком аперацый экстрэмальнай сітуацыі прызначаны міністр сельскай гаспадаркі Бронюс Маркаўскас.
Колькасць ападкаў, якая выпала за кароткі час, у тры-чатыры разы перавысіла шматгадовую норму. Залітыя вадой плошчы складаюць больш за 140 тыс. га, не сабрана 30% ўраджаю. Паводле даных Мінсельгаса, такой крытычнай сітуацыі ў сельскай гаспадарцы не было 40 гадоў, страты могуць дасягаць 40 млн еўра.
Па кампенсацыю панесеных земляробамі страт Літва мае намер звярнуцца ў Еўракамісію.
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы74
Каментары