У ёй вядзецца гаворка пра ўвядзеньне фінансава‑эканамічных санкцый у дачыненьні да Масквы. Італія прапануе мяккую рэзалюцыю. Што выбера міністар замежных спраў Францыі Бэрнар Кушнер.
Праз тры дні пачнецца саміт Эўрасаюзу. На ім, сярод іншага, будзе разгледжаны расейска‑грузінскі канфлікт.
Падрыхтаваныя дзьве рэзалюцыі ў гэтай справе. Адну рэзалюцыю распрацавала Польшча, другую — Італія, перадае Эхо Москвы са спасылкай на Коммерсант.
Італія прапануе мяккую рэзалюцыю, якая прадугледжае вывад расейскіх войскаў з тэрыторыі Грузіі, у тым ліку Поці і буфэрных зон.Апроч таго, Эўрасаюз можа запатрабаваць ад Расеі гарантый таго, што яе сёньняшняя палітыка ў дачыненьні да Абхазіі і Паўднёвай Асеціі ня будзе ўжыта ў дачыненьні да іншых краін.
У польскай рэзалюцыі вядзецца гаворка пра ўвядзеньне фінансава‑эканамічных санкцый.Калі будзе прыняты менавіта гэты варыянт, Брусэль парэкамэндуе буйному бізнэсу скараціць аб’ём фінансавых укладаньняў ў Расею і ўвесьці абмежаваньні на экспарт расейскай сталі, алюмінію і угнаеньняў. Крыніца, блізкая да Крамля, не выключае, што Эўрасаюз можа актывізаваць высілкі па дывэрсіфікацыі паставак электраэнэргіі ў Эўропу. Г.зн. затармозіць расейскія праекты будаўніцтва газаправодаў.
За выпрацоўку канчатковага варыянту рэзалюцыі адказвае Францыя, у прыватнасьці, кіраўнік МЗС Бэрнар Кушнер.
Каментары