Перад адкрыццём, а 17-й гадзіне, адбудзецца цырымонія праходжання па чырвонай дарожцы, па якой пройдуць усе артысты і прадстаўнікі дэлегацый 42 краін-удзельніц, перадае УНІАН.
Дарожка будзе разасланая перад Марыінскім палацам і будзе самай доўгай у гісторыі конкурсу — 265 метраў.
Чырвоная дарожка падзелена на спецыяльныя зоны. У кожнай з іх дэлегацыі будуць сустракаць сямёра вядоўцаў. Справа ад дарожкі будзе арганізаваная зона для СМІ, а злева — для гасцей і фанатаў, якія прыйдуць пазнаёміцца з удзельнікамі.
Выхад удзельнікаў песеннага конкурсу будзе адбывацца па алфавіце і пад музыку па матывах нацыянальных музычных твораў краін, з якіх прыбылі дэлегацыі.
У канцы дарожкі, на даху кангрэсна-выставачнага цэнтра «Паркавы» дэлегацыі будуць урачыста пераразаць стужку і адпускаць у неба сцягі сваіх краін.
У 20.00 пачнецца ўрачыстая цырымонія адкрыцця песеннага конкурсу. Падчас цырымоніі адкрыцця чакаюцца выступы жонкі прэзідэнта Украіны Марыны Парашэнка, Кіеўскага гарадскога галавы Віталя Клічко і супервайзера «Еўрабачання» Ён Ола Санд. Адмысловымі гасцямі стануць пераможца леташняга конкурсу — Джамала, а таксама Алег Скрыпка, гурт «Друга ріка» і пераможца «Еўрабачання-2004» спявачка Руслана. Яны выступяць у суправаджэнні Нацыянальнага аркестра народных інструментаў Украіны.
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5757
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ57
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары