Pierad adkryćciom, a 17-j hadzinie, adbudziecca cyrymonija prachodžańnia pa čyrvonaj darožcy, pa jakoj projduć usie artysty i pradstaŭniki delehacyj 42 krain-udzielnic, pieradaje UNIAN.
Darožka budzie razasłanaja pierad Maryinskim pałacam i budzie samaj doŭhaj u historyi konkursu — 265 mietraŭ.
Čyrvonaja darožka padzielena na śpiecyjalnyja zony. U kožnaj ź ich delehacyi buduć sustrakać siamiora viadoŭcaŭ. Sprava ad darožki budzie arhanizavanaja zona dla ŚMI, a źleva — dla haściej i fanataŭ, jakija pryjduć paznajomicca z udzielnikami.
Vychad udzielnikaŭ piesiennaha konkursu budzie adbyvacca pa ałfavicie i pad muzyku pa matyvach nacyjanalnych muzyčnych tvoraŭ krain, ź jakich prybyli delehacyi.
U kancy darožki, na dachu kanhresna-vystavačnaha centra «Parkavy» delehacyi buduć uračysta pierarazać stužku i adpuskać u nieba ściahi svaich krain.
U 20.00 pačniecca ŭračystaja cyrymonija adkryćcia piesiennaha konkursu. Padčas cyrymonii adkryćcia čakajucca vystupy žonki prezidenta Ukrainy Maryny Parašenka, Kijeŭskaha haradskoha hałavy Vitala Kličko i supiervajziera «Jeŭrabačańnia» Jon Oła Sand. Admysłovymi haściami stanuć pieramožca letašniaha konkursu — Džamała, a taksama Aleh Skrypka, hurt «Druha rika» i pieramožca «Jeŭrabačańnia-2004» śpiavačka Rusłana. Jany vystupiać u supravadžeńni Nacyjanalnaha arkiestra narodnych instrumientaŭ Ukrainy.
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary