Кіроўца аўтамабіля, які выбухнуў на запраўцы ў Баранавічах, страціў нагу
Фота: Аляксандр Корабаў
Выбух газапаветранай сумесі адбыўся прыкладна ў 7.45 на тэрыторыі аўтамабільнай газанапаўняльнай кампрэсарнай станцыі г. Баранавічы ААТ «Газпром трансгаз Беларусь» падчас запраўкі аўтамабіля. Два пасажыры, адзін з іх — дзіця, перад запраўкай выйшлі з салона і знаходзіліся на пляцоўцы для чакання.
Пацярпеў кіроўца машыны, жыхар Кобрынскага раёна. Ён дастаўлены ў баранавіцкую лякарню з дыягназам: траўматычная ампутацыя левай ніжняй канцавіны на ўзроўні верхняй траціны галёнкі.
Як мяркуецца, прычына здарэння — няспраўнасць газавага абсталявання на аўтамабілі VW Tоuran.
Каментары