Супрацоўнікі Кастрычніцкага РУУС сталіцы за хуліганства затрымалі жыхара Віцебшчыны 38 гадоў, які агаліўся ў тралейбусе перад пасажыркай, распавёў карэспандэнту sb.by прэс-афіцэр Кастрычніцкага РУУС Леанід Ушэнін.
Здарылася гэта ў тралейбусе №27 на прыпынку ДС «Дружная».
У салоне ён паспрабаваў звярнуць на сябе ўвагу кабеты, якая спадабалася яму. Але паводзіны яго было пры гэтым вельмі дзіўнымі: ён расхінуў плашч, пад якім з адзення нічога не было, і паказаў жанчыне свае геніталіі.
Мінчанка тут жа паклікала на дапамогу кіроўцу тралейбуса, які затармазіў на плошчы Казінца, паставіў на блок дзверы і патэлефанаваў у міліцыю.
Эксгібіцыяністам аказаўся ураджэнец Віцебшчыны, якога 12 разоў лавілі на крадзяжах і рабаваннях. Ён вёў бадзяжніцкі лад жыцця. Раённы аддзел СК распачаў у дачыненні да яго справу за хуліганства.
У РУУС ёсць падазрэнні, што затрыманы можа быць датычны да дэманстрацый палавых органаў на тэрыторыі Кастрычніцкага раёна, якія здарыліся 30 красавіка. Міліцыя просіць мінчан паведаміць пра наяўнай у іх інфармацыі ў Кастрычніцкае РУУС.
Каментары