Забойства былога супрацоўніка ФСБ Аляксандра Літвіненкі было, як мяркуецца, ухвалена прэзідэнтам РФ Уладзімірам Пуціным.
Пра гэта гаворыцца ў дакладзе, прадстаўленым суддзёй Высокага суда Лондана Робертам Оўэнам па выніках публічнага дазнання.
Па словах Оўэна, дазнанне даказала, што Аляксей Лугавой і Дзмітрый Коўтун атруцілі Літвіненку радыеактыўным палоніем-210.
Высокая імавернасць таго, што яны дзейнічалі пад кіраўніцтвам ФСБ, дадаў Оўэн. Іх дзеянні, «магчыма, былі ўхваленыя» тагачасным кіраўніком ведамства Мікалаем Патрушавым.
Удава Літвіненка Марына заявіла: «Я, вядома ж, вельмі рада, што словы, прамоўленыя маім мужам перад смерцю, калі ён абвінаваціў у сваім забойстве спадара Пуціна, былі пацверджаны ў англійскім судзе з самымі высокімі стандартамі незалежнасці і справядлівасці».
Лугавой заявіў Інтэрфаксу, што праведзенае ў Брытаніі расследаванне — «жаласная спроба Лондана выкарыстоўваць «шкілет у шафе» ва ўгоду сваім палітычным амбіцыям».
«Абвінавачванні ў мой адрас абсурдныя. Як мы і чакалі, сенсацыі не адбылося! Агучаныя сёння вынікі расследавання ў чарговы раз пацвярджаюць антырасійскую пазіцыю Лондана, зашоранасці і нежаданне брытанца устанавіць сапраўдную прычыну гібелі Літвіненкі», - сказаў ён.
Аляксандр Літвіненка памёр у Лондане 23 лістапада 2006 - як ўстанавіла экспертыза, у выніку атручвання радыеактыўным палоніем-210.
Расія адмовіла ў 2007 годзе ў экстрадыцыі Андрэя Лугавога. Суддзя Роберт Оўэн ўзначаліў грамадскае дазнанне ў студзені 2015 года.
Пасадзілі адваката Дзмітрыя Лаеўскага, які абараняў Бабарыку і Знака10
Пасадзілі адваката Дзмітрыя Лаеўскага, які абараняў Бабарыку і Знака
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5151
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам51
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі4646
Каментары