Сярэдняя двухпакаёўка ў Мінску за год патаннела на $20 тысяч
На сталічным рынку жылля колькасць выстаўленых на продаж кватэр складае каля 9 тысяч, але колькасць заключаных угодаў падае. Купцы чакаюць далейшага абвалу цэн, і сітуацыя адпавядае іх чаканням.
фота Caves.by
Сярэдняя цана квадратнага метра ў лістападзе апусцілася да $1251. Усяго ж за год лічба зменшылася на $415.
Цана прапановы квадратнага метра вышэй. Паводле дадзеных Realt.by, гаспадары спрабуюць прадаць сваю нерухомасць з разліку $1325 за квадратны метр. Для параўнання, год таму лічба складала $1720.
Фактычна кожны ўласнік сярэдняй мінскай двухпакаёўкі (50 м2) страціў па $20 тысяч.
* * *
Сярэдняя цана прапановы квадратнага метра ў сталіцах у лістападзе
Масква — $2724
Варшава — $2075
Кіеў — $1596
Вільня — $1400
Мінск — $1354
Рыга — $1116
Каментары