Парашэнка: За беспарадкамі на матчы «Дынама» Кіеў — «Чэлсі» стаіць Расія
Прэзідэнт Украіны Пятро Парашэнка заявіў, што за стварэннем канфліктных сітуацый на трыбунах ўкраінскіх стадыёнаў стаіць Расія. У час сустрэчы з гульцамі і трэнерскім штабам зборнай Украіны, прадстаўнікамі ФФУ, а таксама віцэ-прэзідэнтам УЕФА Рыгорам Суркісам кіраўніком дзяржавы было закранута пытанне бяспекі на стадыёнах.
«Віцэ-прэзідэнт УЕФА Рыгор Суркіс сканцэнтраваў увагу прэзідэнта на праблемах, якія існуюць ва ўкраінскім футболе, асабліва падкрэсліўшы важнасць неадкладнага вырашэння пытання бяспекі на футбольных арэнах Украіны ў адпаведнасці з еўрапейскімі футбольнымі нормамі. Ён таксама звярнуўся з просьбай стварыць адпаведны каардынацыйны орган для вырашэння такіх пытанняў.
Каментуючы гэтую сітуацыю, прэзідэнт адзначыў, што па яго інфармацыі «карані гэтых правакацый ідуць не з Украіны». Паводле яго слоў, ёсць усе падставы казаць, што за апошнімі правакацыямі на матчы «Дынама» - «Чэлсі» сцежка вядзе ў Расію з мэтай стварыць сітуацыю і абвінаваціць Украіну ў расізме. Прэзідэнт паведаміў, што даручыў Нацыянальнай паліцыі і СБУ старанна разабрацца ў гэтым інцыдэнце і выказаў надзею, што УЕФА прыме ўзважанае рашэнне па гэтым эпізодзе», - ідзе гаворка ў паведамленні на афіцыйным сайце прэзідэнта Украіны.
24 лістапада УЕФА вынесе рашэнне па беспарадкаў на матчы Лігі чэмпіёнаў «Дынама» — «Чэлсі», які адбыўся 24 кастрычніка ў Кіеве на НСК «Алімпійскі».
Каментары