Менгарвыканкам пакуль ня даў адказу заяўнікам Дня Волі. Старшыня Партыі БНФ Л.Баршчэўскі: 25‑га зьбіраемся на Плошчы Я. Коласа з бел‑чырвона‑белымі гвазьдзікамі.
«25 сакавіка а 18‑й зьбіраемся на Плошчы Якуба Коласа ». Пра гэта заявіў старшыня Партыі БНФ Лявон Баршчэўскі пры канцы прэзэнтацыі кнігі ўспамінаў Івонкі Сурвілы «Дарога», што прайшла ў панядзелак увечары на менскай сядзібе БНФ.
«Менскія гарадзкія ўлады пакуль не далі адказу заяўнікам акцыі на Дзень Волі, адзначыў Л. Баршчэўскі, ‑‑ таму зьбіраемся а 18‑й на Плошчы Якуба Коласа. (...) Пажадана будзе мець хаця б тры гвазьдзікі: белы, чырвоны і белы. Будзем сьпяваць «Мы выйдзем шчыльнымі радамі».
Нагадаем, што сёлета правядзеньне акцыі на Дзень Волі плянуецца па новым маршруце. Збор а 18:00 на плошчы Якуба Коласа, шэсьце па праспэкце Незалежнасьці, вуліцах Валадарскага, Гарадзкі Вал, канчатковым пунктам мусіць стаць помнік Максіму Багдановічу, што ля опэры. Цягам акцыі арганізатары плянуюць ускласьці кветкі да помнікаў Якуба Коласа, Янкі Купалы, Адама Міцкевіча і Максіма Багдановіча.
Заяўнікамі вулічнай акцыі выступілі Аляксандар Мілінкевіч, Лявон Баршчэўскі, Анатоль Лябедзька і Мікола Статкевіч.
Адпаведная заяўка была пададзена ў Менгарвыканкам 6 лютага.
-
«Ежа на могілках — так было заўсёды». Гісторык пра традыцыі памінальнага стала ў беларусаў
-
«Паставілі на лічыльнік яшчэ ў турме». Ігар Карней расказаў, чым скончылася гісторыя з судовымі выканаўцамі і штрафамі
-
87 рублёў заробку і асаблівыя ўмовы для некаторых студэнтаў. Выкладчык БДУІР звярнуўся да Лукашэнкі
Цяпер чытаюць
Як купіць кватэру ў Мінску, калі няма каму дапамагчы? Задаецца пытаннем беларус, які адкладае па $1000 у месяц і ўсё адно ў адчаі4
Каментары