Яшчэ адзін кіроўца фуры збег у Беларусь ад Рассельгаснагляду разам з грузам
Упраўленне Рассельгаснагляду па Цвярской і Пскоўскай абласцях (РФ) паведамляе, што беларускі кіроўца, які перавозіў ялавічыну, збег ад расійскіх мытнікаў у Беларусь разам з грузам.
Пры правядзенні службовымі асобамі Себежскай мытні аператыўна-вышуковых мерапрыемстваў на расійска-беларускім участку мяжы «выяўлены факт перамяшчэння з тэрыторыі Рэспублікі Беларусь мясной сыравіны ў аўтатранспартным сродку дзяржаўны рэгістрацыйны нумар AI 0799-2, якім кіраваў грамадзянін Рэспублікі Беларусь Бацяноўскі В.П., 1977 года нараджэння, які пражывае ў Віцебскай вобласці Рэспублікі Беларусь».
У грузавым адсеку транспартнага сродку перавозілася «ялавічына астуджаная ў чацвярцінах» ў колькасці каля двух тоны без маркіроўкі, ветэрынарных і таваратранспартных дакументаў. Перасоўванне тавару ажыццяўлялася з парушэннямі ветэрынарна-санітарных правілаў транспарціроўкі, у транспартным сродку, не прызначаным для перавозкі мяса, адсутнічала халадзільнае абсталяванне. Мяса было размешчана навалам, перакладзена кардонам.
Мяркуюць, што тавар прызначаўся для рэалізацыі на тэрыторыі Пскова і Пскоўскай вобласці. 10 жніўня Рассельгаснагляд забараніў перасоўванне тавару па мытнай тэрыторыі Мытнага саюза.
Кіроўца самавольна, без дазволу кантрольных органаў, пакінуў межы ППУ Долосцы і як мяркуецца, накіраваўся ў Беларусь.
Нагадаем, 6 жніўня вадзіцель, які перавозіў 1,5 тоны таматаў праз беларуска-расійскую мяжу, даведаўшыся аб іх магчымым знішчэнні, угнаў аўтамабіль з прадукцыяй назад на тэрыторыю Беларусі.
Паўтары тоны таматаў былі без фітасанітарнага сертыфіката. Пры даглядзе прадукцыі было ўстаноўлена адсутнасць маркіроўкі на ўпакоўцы, выяўлены сляды зрыву этыкетак.
-
У Пружанах са стралянінай затрымлівалі кіроўцу без правоў
-
«Дзяўчына недзе праз сем секунд ужо пікіравала без пілота». Сябар дэльтапланерыста, які разбіўся ў Строчыцах, расказаў, што прывяло да трагедыі
-
«Парваў сабе дыяфрагму і кішкі, наноў вучыўся хадзіць». Унук аўтара «Калыханкі» Васіля Раінчыка распавёў, як трапіў у страшную аварыю
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы74
Каментары