Лідары краін еўразоны перапынілі агульнае пасяджэнне вечарам 12 ліпеня і сустракаюцца з прэм'ер-міністрам Грэцыі Алексісам Цыпрасам адзін на адзін у пошуках вырашэння пытання наконт новага пакета фінансавай дапамогі абцяжаранай непасільнай доўгам краіне.
У прыватнасці, Цыпрас сустрэўся з канцлерам Германіі Ангелай Меркель, прэзідэнтам Францыі Франсуа Аляндам і старшынёй Рады ЕС Дональдам Тускам, паведамляе Бі-бі-сі.
Як паведамляе Deutsche Welle. за кулісамі саміту Еўразоны праходзіць сустрэча за зачыненымі дзвярыма міністраў фінансаў Нямеччыны і Грэцыі Вольфганга Шойбле і Эўкліда Цакалотаса.
У твітэры Wikileaks з'явіўся адзін з рабочых дакументаў Еўрагрупы, у якім пазначаны аб'ём неабходнай фінансавай дапамогі Грэцыі і не выключаецца опцыя яе выхаду з еўразоны.
Меркель раней заявіла, што перамовы праходзяць больш «вельмі складана» і падкрэсліла, што не гатовая дамаўляцца «любой цаной».
Спікер Еўрапарламента Марцін Шульц заклікаў лідараў еўразоны заключыць дамоўленасць, дадаўшы, што на працягу ўсёй сваёй доўгай кар'еры ў еўрапейскай палітыцы ён не памятае такога сур'ёзнага крызісу.
«Гаворка ідзе пра сам Еўрапейскі саюз. Калі ЕС застанецца сур'ёзнай сілай, то ён павінен прадэманстраваць, што ён у стане вырашыць свае ўласныя праблемы», — сказаў ён.
«Мы стаім на ростанях. Альбо мы рухаемся разам наперад, альбо мы пачынаем развальвацца», — дадаў Шульц.
Deutsche Welle са спасылкай на Reuters паведамляе, што маецца папярэдні дакумент, згодна з якім патрэба Грэцыі ў фінансавай дапамогі ацэньваецца сумай ад 82 да 86 мільярдаў еўра, гэта значыць больш, чым меркавалася раней.
Раней на пытанне журналістаў «Ці ідзе гаворка аб выхадзе Грэцыі з еўразоны?» міністр фінансаў Аўстрыі Ёрг Шэлінг адказаў: «У дадзены момант не ідзе».
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы72
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары