Lidary krain jeŭrazony pierapynili ahulnaje pasiadžeńnie viečaram 12 lipienia i sustrakajucca z premjer-ministram Hrecyi Aleksisam Cyprasam adzin na adzin u pošukach vyrašeńnia pytańnia nakont novaha pakieta finansavaj dapamohi abciažaranaj niepasilnaj doŭham krainie.
U pryvatnaści, Cypras sustreŭsia z kancleram Hiermanii Anhiełaj Mierkiel, prezidentam Francyi Fransua Alandam i staršynioj Rady ES Donaldam Tuskam, paviedamlaje Bi-bi-si.
Jak paviedamlaje Deutsche Welle. za kulisami samitu Jeŭrazony prachodzić sustreča za začynienymi dźviaryma ministraŭ finansaŭ Niamieččyny i Hrecyi Volfhanha Šojble i Eŭklida Cakałotasa.
U tvitery Wikileaks źjaviŭsia adzin z rabočych dakumientaŭ Jeŭrahrupy, u jakim paznačany abjom nieabchodnaj finansavaj dapamohi Hrecyi i nie vyklučajecca opcyja jaje vychadu ź jeŭrazony.
Mierkiel raniej zajaviła, što pieramovy prachodziać bolš «vielmi składana» i padkreśliła, što nie hatovaja damaŭlacca «luboj canoj».
Śpikier Jeŭraparłamienta Marcin Šulc zaklikaŭ lidaraŭ jeŭrazony zaklučyć damoŭlenaść, dadaŭšy, što na praciahu ŭsioj svajoj doŭhaj karjery ŭ jeŭrapiejskaj palitycy jon nie pamiataje takoha surjoznaha kryzisu.
«Havorka idzie pra sam Jeŭrapiejski sajuz. Kali ES zastaniecca surjoznaj siłaj, to jon pavinien prademanstravać, što jon u stanie vyrašyć svaje ŭłasnyja prablemy», — skazaŭ jon.
«My staim na rostaniach. Albo my ruchajemsia razam napierad, albo my pačynajem razvalvacca», — dadaŭ Šulc.
Deutsche Welle sa spasyłkaj na Reuters paviedamlaje, što majecca papiaredni dakumient, zhodna ź jakim patreba Hrecyi ŭ finansavaj dapamohi aceńvajecca sumaj ad 82 da 86 miljardaŭ jeŭra, heta značyć bolš, čym mierkavałasia raniej.
Raniej na pytańnie žurnalistaŭ «Ci idzie havorka ab vychadzie Hrecyi ź jeŭrazony?» ministr finansaŭ Aŭstryi Jorh Šelinh adkazaŭ: «U dadzieny momant nie idzie».
Kamientary