Лідар «Кансерватыўнага цэнтра «Номас»: Палітвязні — гэта дармаеды, якія не адпавядаюць інтарэсам грамадства
Мікалай Статкевіч, Мікалай Дзядок, Ігар Аліневіч, Яўген Васьковіч, Арцём Пракапенка, Юрый Рубцоў… — «Вось хто гэтыя людзі? Чым яны заслужылі пільную ўвагу? — пытаецца ў сябе ў Фэйсбуку Пётра Пятроўскі, лідар «Кансерватыўнага цэнтра «Номас» і працягвае: —
Яны працуюць больш чым усе астатнія беларусы?
— Не! Ды яны ўвогуле нідзе не працуюць.
Яны здзейснілі навуковае адкрыццё, альбо напісалі геніяльны твор?
— Не! Ім гэта і да галавы не прыйшло.
Яны праслаўлялі Беларусь ва ўсім свеце?
— Не! Яны наадварот скардзіліся як у нас дрэнна і што трэба зрабіць Беларусі яшчэ горш, распаўсюдзіць санкцыі і ізаляваць сваю Радзіму.
Дык навошта пра іх наогул нешта казаць?
— Гэтым таварышам няма пра што больш казаць. У іх няма ідэй, прапаноў і праектаў, а толькі вузка карпаратыўныя інтарэсы дысідэнтаў і маргіналаў, якія не адпавядаюць інтарэсам грамадства», — падсумоўвае ён, падводзячы чытачоў да ідэі, што палітвязні асуджаныя справядліва і што правільна было б ізаляваць ад грамадства і астатніх іншадумцаў.
Кансерватыўны цэнтр «Номас» апошні час спаборнічае з групай «Цытадэль», Цэнтрам стратэгічных і знешнепалітычных даследаванняў і шэрагам іншых аналагічных суполак у барацьбе за месца ў афіцыйным полі. Усім ім актыўна даюць слова лукашэнкаўскія тэлеканалы і газеты.
Падпалкоўнік запасу Статкевіч, праграміст Аліневіч, шафёр Рубцоў ды іншыя згаданыя Пятроўскім палітычныя зняволеныя былі асуджаныя па палітычна матываваных справах і працягваюць адбываць тэрміны. Пытанне вызвалення палітвязняў прынцыповае для беларускага руху за грамадзянскія правы.
Учора Мінск зноў затапіла. Чаму сталіца не гатовая да дажджоў?4
Каментары