Lidar «Kansiervatyŭnaha centra «Nomas»: Palitviaźni — heta darmajedy, jakija nie adpaviadajuć intaresam hramadstva
Mikałaj Statkievič, Mikałaj Dziadok, Ihar Alinievič, Jaŭhien Vaśkovič, Arciom Prakapienka, Juryj Rubcoŭ… — «Voś chto hetyja ludzi? Čym jany zasłužyli pilnuju ŭvahu? — pytajecca ŭ siabie ŭ Fejsbuku Piotra Piatroŭski, lidar «Kansiervatyŭnaha centra «Nomas» i praciahvaje: —
Jany pracujuć bolš čym usie astatnija biełarusy?
— Nie! Dy jany ŭvohule nidzie nie pracujuć.
Jany ździejśnili navukovaje adkryćcio, albo napisali hienijalny tvor?
— Nie! Im heta i da hałavy nie pryjšło.
Jany prasłaŭlali Biełaruś va ŭsim śviecie?
— Nie! Jany naadvarot skardzilisia jak u nas drenna i što treba zrabić Biełarusi jašče horš, raspaŭsiudzić sankcyi i izalavać svaju Radzimu.
Dyk navošta pra ich naohuł niešta kazać?
— Hetym tavaryšam niama pra što bolš kazać. U ich niama idej, prapanoŭ i prajektaŭ, a tolki vuzka karparatyŭnyja intaresy dysidentaŭ i marhinałaŭ, jakija nie adpaviadajuć intaresam hramadstva», — padsumoŭvaje jon, padvodziačy čytačoŭ da idei, što palitviaźni asudžanyja spraviadliva i što pravilna było b izalavać ad hramadstva i astatnich inšadumcaŭ.
Kansiervatyŭny centr «Nomas» apošni čas spaborničaje z hrupaj «Cytadel», Centram stratehičnych i źniešniepalityčnych daśledavańniaŭ i šeraham inšych anałahičnych supołak u baraćbie za miesca ŭ aficyjnym poli. Usim im aktyŭna dajuć słova łukašenkaŭskija telekanały i haziety.
Padpałkoŭnik zapasu Statkievič, prahramist Alinievič, šafior Rubcoŭ dy inšyja zhadanyja Piatroŭskim palityčnyja źniavolenyja byli asudžanyja pa palityčna matyvavanych spravach i praciahvajuć adbyvać terminy. Pytańnie vyzvaleńnia palitviaźniaŭ pryncypovaje dla biełaruskaha ruchu za hramadzianskija pravy.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary