Пургін: «ДНР» і «ЛНР» — за самавызначэнне ў межах Данецкай і Луганскай абласцей
Кіраўнікі так званых «ДНР» і «ЛНР» выступаюць за самавызначэнне самаабвешчаных рэспублік у адміністрацыйных межах Луганскай і Данецкай абласцей,
заявіў агенцтву «Інтэрфакс» так званы «віцэ-прэм'ер ДНР» Андрэй Пургін.
«Украіна будзе спрабаваць пакінуць нас часткай сваёй прасторы, аднак мы працягнем курс на самавызначэнне», — сказаў ён і дадаў, што «на пэўныя кампрамісы з Кіевам, безумоўна, прыйдзецца пайсці».
Раней перад перамовамі ў Мінску сепаратысты запатрабавалі прызнаць «асаблівы статус» так званых «ДНР» і «ЛНР» у складзе Украіны.
Напярэдадні дарадца прэзідэнта Украіны Юрый Луцэнка заявіў, што асаблівы статус «у складзе цэласнай Украіны» атрымаюць, паводле падпісаных у Мінску пратаколаў, толькі тыя тэрыторыі Данбаса, якія цяпер падкантрольныя «сепаратыстам».
Каментары