Міністр замежных спраў Уладзімір Макей занепакоены працай беларускіх замежных устаноў на рынках Расіі, СНД, некаторых краінах Афрыкі і Амерыкі ў сферы экспарту беларускай прадукцыі.
Пра гэта ён заявіў на пашыранай нарадзе з саветнікамі па гандлёва-эканамічных пытаннях замежных устаноў, акрэдытаваных у краінах СНД, Афрыкі і Амерыкі.
Адкрываючы нараду, Макей падкрэсліў, што да падвядзення вынікаў выканання праграм дзейнасці ўрада і развіцця экспарту на 2011—2015 гады застаецца год. Міністр нагадаў, што мэтай гэтых праграмных дакументаў у частцы знешнеэканамічнай дзейнасці з'яўляецца дасягненне станоўчага сальда знешняга гандлю таварамі і паслугамі ў 2015 годзе ў 500 млн. долараў ЗША.
«Што ж мы маем сёння? Другі год запар экспарт беларускай прадукцыі зніжаецца. У 2013 годзе экспарт тавараў і паслуг знізіўся не толькі ў параўнанні з 2012-м, але і нават з 2011 годам», — адзначыў Макей.
Паводле слоў міністра, дасягненне мэтавага параметра па экспарце магчымае пры забеспячэнні тэмпаў прыросту ў 2014-2015 гадах не менш як на 23 працэнты штогод, што амаль у тры разы перавышае ўстаноўленае заданне сёлета.
«Мы вярнуліся да практыкі правядзення такіх сустрэч, адчуваючы неабходнасць непасрэднага абмену меркаваннямі сам-насам, падмацавання нашых замежных устаноў канцэнтраванай інфармацыяй аб рэаліях і праблемах у галіновым разрэзе», — падкрэсліў міністр.
Цяпер чытаюць
Качанава прапанавала ўвесці адказнасць за «няпраўду ў тыктоку»11
Каментары