Перадаём даслоўна паведамленне афіцыйнага расійскага агенцтва ІТАР-ТАСС:
«Рэспубліканскі савет Данецкай народнай рэспублікі звярнуўся да прэзідэнта РФ з просьбай аб уводзе часовага міратворчага кантынгенту.
Дэпутаты аднагалосна падтрымалі зварот Рэспубліканскага савета Данецкай народнай рэспублікі.
Раней дэпутаты Данецкага абласной рады абвясцілі аб дзяржаўнай самастойнасці Данецкай народнай рэспублікі. Адпаведны акт быў зачытаны на пасяджэнні аблсавета.
«Тэрыторыя ў межах прызнаных межаў з'яўляецца непадзельнай і недатыкальнай», — падкрэсліваецца ў заяве. Дэпутаты таксама прынялі рашэнне аб правядзенні рэферэндуму па пытанні ўваходжання рэгіёна ў склад Расіі не пазней за 11 мая.
Каля будынка Данецкай абласной дзяржадміністрацыі праходзіць мітынг гараджан. Людзі, якія сабраліся скандуюць «Расія, Расія!». Вывешаны ўчора каля будынка дзяржадміністрацыі сцяг Расіі на флагштоку замянілі вялікім па памеры».
Вось такое паведамленне з'явілася на сайце ІТАР-ТАСС.
Варта адзначыць, што дэпутаты Данецкай аблрады пра абвяшчэнне ніякай рэспублікі не заяўлялі. Адпаведную заяву зрабілі людзі, якія захапілі будынак і абвясцілі сябе «Рэспубліканскім саветам Данецкай народнай рэспублікі, складзеным з прадстаўнікоў гарадоў».
Паведамленне ІТАР-ТАСС па сваёй стылістыцы і форме нагадвае тыя, якімі суправаджаўся захоп Крыма. Яно можа азначаць, што Расія гатовая ўвесці войскі ў Данбас.
Апытанка
-
«Залічаная па нестандартнай працэдуры». Стала вядома, як шчодра падмазваў Эпштэйн універсітэт, у якім вучылася Карына Шуляк
-
Рубіа ў апошні момант адмяніў сустрэчу з лідарамі Еўропы аб пытанні Украіны
-
Студзень 2026 года ўвайшоў у пяцёрку самых цёплых першых месяцаў года ў свеце. Як гэта ні дзіўна для беларусаў
«Яна не выглядала шчырай, была ў масцы». Паўлючэнка пра сустрэчу Калеснікавай з беларускімі журналістамі12
Каментары