Грэка-каталіцкая царква Украіны заклікае спыніць кровапраліцце, у храмах б'юць у званы
Кіраўнік Украінскай грэка-каталіцкай Царквы Святаслаў заклікаў бакі спыніць кровапраліцце.
Адпаведны заклік размешчаны на сайце УГКЦ.
«З вялікай горыччу сцвярджаю, што заклікі Цэркваў аб недапушчэнні кровапраліцця і мірным урэгуляванни канфлікту не былі пачуты», — адзначыў святар.
Ён заявіў, што асуджае «гвалт, грэбаванне правамі чалавека і воляй народа».
«Падкрэсліваю, што той, хто мае ўладу, нясе ўсю паўнату адказнасці за тое, што адбываецца ў краіне», — адзначыў Святаслаў.
Кіраўнік УГКЦ заклікаў неадкладна спыніць кровапраліцце, а вернікаў папрасіў быць салідарнымі з пацярпелымі. Паводле яго слоў ва ўсіх храмах УГКЦ павінны біць у званы.
Як вядома, падчас сутыкненняў паміж пратэстоўшчыкамі і міліцыяй у аўторак загінулі прынамсі 5 чалавек, дзясяткі параненыя.
Палякі купляюць дамы ў Беларусі — цікавяцца, ці хопіць на жыццё еўрапейскай пенсіі, і радуюцца смешным выдаткам9
Каментары