Праз смог у Пекіне раніцай 16 студзеня перакрылі аўтамабільныя дарогі.
Як паведамляе Лента.ру са спасылкай на кітайскае інфармагенцтва «Сіньхуа», перакрытыя аўтастрады ў кірунку Шанхая, Харбіна і Пінгу, а таксама траса Дацын-Гуанчжоу.
Смог пачаў збірацца ў горадзе ў сераду, 15 студзеня, за ноч яго шчыльнасць працягвала расці. На вуліцах не відаць хмарачосы.
Як паведамілі ў пекінскім дэпартаменце па ахове навакольнага асяроддзя, чакаецца, што днём 16 студзеня бачнасць у горадзе будзе ніжэйшая за пяцьсот метраў. Узровень забруджвання дасягнуў «жоўтай» адзнакі, гэта значыць, другой з чатырох па кітайскай шкале.
Высокі ўзровень забруджанасці паветра — пастаянная праблема для Пекіна.
Каб знізіць аб'ём выхлапаў, гарадскія ўлады ўвялі абмежаванні на выкарыстанне аўтамабіляў у буднія дні. Акрамя таго, яны спрабуюць спыняць працу размешчаных паблізу заводаў. Хоць лічыцца, што асноўная прычына забруджвання — аўтамабільныя і прамысловыя выхлапы, у канцы 2013 года ўлады кітайскай сталіцы таксама распарадзіліся зачыніць сотні вулічных шашлычных.
Цяпер чытаюць
Першы беларускі пашпарт з «Пагоняй» атрымаў Лукашэнка, а другі — школьнік Юрый Чарняк. Як склаўся лёс хлопца?8
Каментары