У стыкавым матчы ў адказ мексіканцы сёння раніцай паводле мінскага часу перамаглі ў гасцях Новую Зеландыю з лікам 4:2 (Арыба Перальта, 19, 29, 33, Карлас Альберта Пенья, 87 — Джэймс, 80, Фалон, 84).
У гэтым двубоі паміж 4-й камандай Паўночнай і Цэнтральнай Амерыкі з найлепшай камандай Акіяніі ўсё было вырашана яшчэ ў першым матчы ў Мексіцы, дзе гаспадары разграмілі апанентаў з лікам 5:1.
Зборная Мексікі 14 разоў прымала ўдзел у чэмпіянатах свету, найлепшы вынік — выхад у чвэрцьфінал у 1970 і 1986 гадах. На ЧС—2010 у ПАР Мексіка саступіла ў 1/8 фіналу Аргенціне з лікам 1:3.
Удзельнікі чэмпіянату свету — 2014:
Гаспадыня: Бразілія.
Еўропа: Бельгія, Італія, Германія, Нідэрланды, Швейцарыя, Боснія, Расія, Англія, Іспанія, Партугалія, Харватыя, Грэцыя, Францыя;
Азія: Японія, Аўстралія, Іран, Карэя;
Паўдневая Амерыка: Аргенціна, Калумбія, Эквадор, Чылі.
Паўночная Амерыка: ЗША, Коста-Рыка, Гандурас, Мексіка.
Афрыка: Камерун, Нігерыя, Кот-д’Івуар, Алжыр, Гана.
Апошні ўдзельнік вызначыцца сёння ноччу ў Монтэвідэа ў матчы другім стыкавым матчы паміж 5-й камандай Паўднёвай Амерыкі (Уругвай) і 5-й камандай Азіі (Іярданія). У першым матчы Уругвай у гасцях разграміў суперніка 5:0.
Лёсаванне групавога турніру чэмпіянату свету адбудзецца 6 снежня.
Чэмпіянат свету па футболе пройдзе з 12 чэрвеня па 13 ліпеня 2014 г. у Бразіліі. Матч адкрыцця — у Сан-Паўлу, фінал — у Рыа-дэ-Жанейра.
Цяпер чытаюць
Уводзяць адказнасць за прапаганду гомасэксуальнасці, бяздзетнасці, а таксама за незаконнае прадстаўленне Беларусі на міжнароднай арэне9
Каментары