Беларусь адновіць перамовы аб уваходжанні ў Сусветную гандлёвую арганізацыі (СГА) усакавіку-красавіку 2013 года, паведаміў намеснік міністра замежных спраў Аляксандр Гур’янаў сёння напрэс-канферэнцыі ў Мінску.
Ён патлумачыў, што перапынак у перамовах быў звязаны са зменай старшыні рабочай групы па ўваходжанні Беларусі ў СГА. Новым яе кіраўніком прызначаны прадстаўнік Турцыі, які змяніў свайго суайчынніка.
«Дакументарны аб’ём работы, даволі істотны, мы зрабілі.Мы распаўсюдзілі ўсе неабходныя матэрыялы для наступнага пасяджэння групы. Думаю, да канца першага квартала — пачатку другога павінны ў Жэневе сустрэчу правесці. На ўзроўні ўдзельнікаў рабочай групы пярэчанняў і перашкод для правядзення пасяджэння няма», — сказаў намеснік міністра.
аднак графік давялося падкарэктаваць у сувязі з тым, што кіраўнік рабочай групы, які прызначаецца ад імя краін СГА, завяршыў свае паўнамоцтвы ў Жэневе.Раней планавалася правесці пасяджэнне рабочай групы да канца 2012 года,
Працэс па далучэнні Беларусі да СГА доўжыцца ўжо больш чым 17 гадоў. У чэрвені 2009 года Беларусь, Казахстан і Расія раптоўна аб’явілі аб уваходжанні ў СГА адзінай мытнай тэрыторыяй. Усе тры краіны прыпынілі двухбаковыя перамовы аб далучэнні да арганізацыі на час правядзення кансультацый па фарміраванні адзінай пазіцыі Мытнага саюза. Аднак ужо ў кастрычніку 2009 года было заяўлена, што Беларусь, Казахстан і Расія адновяць перамовы аб далучэнні да СГА па асобнасці, але на ўзгодненых пазіцыях.
Расія стала членам СГА ў жніўні 2012 года.
У кастрычніку таго ж года Аляксандр Лукашэнка заявіў, што вострая неабходнасць уваходжання Беларусі ў СГА адпала пасля ўваходжання туды Расіі.
«Мы фактычна працаваць будзем у рамках Сусветнай гандлёвай арганізацыі, асабліва маю на ўвазе, што Расія — наш асноўны партнёр. Таму, можа быць, нават і лепш, што мы паступова, паступова прывыкнем да гэтых норм Сусветнай гандлёвай арганізацыі. Ад гэтага нікуды нам не дзецца. Мы не можам адгарадзіцца ад усяго свету, маюць такую эканоміку экспартна арыентаваную, і мы залежам ад усяго свету, таму нам рана ці позна давядзецца ўвайсці ў СГА», — сказаў Лукашэнка ў інтэрв’ю міждзяржаўнай тэлекампаніі «Мір» .
«Мы ўжо даўно збіраліся ўваходзіць у СГА, — дапоўніў ён. — Мы правялі перамовы, але наткнуліся на палітычны плот. Нам кажуць, што гэта чыста гандлёвая, эканамічная арганізацыя — Сусветная гандлёвая арганізацыя. Нічога падобнага. Палітыка тут прэваліруе. І палітычны плот гэты выстраілі перад намі Еўрасаюз і Злучаныя Штаты
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы79
Каментары